Ministria e Jashtme e Shqipërisë ka konfirmuar vendimin e Rusisë për dëbimin e dy diplomatëve, por një gjë e tillë nuk e ka surprizuar.
Në një deklaratë për mediat, MEPJ thekson se reagimi i Moskës nuk përbën surprizë dhe se vendimi i marrë pak ditë më parë në lidhje me dy diplomatët Rusë, i bashkërenduar me qëndrimet e aleatëve tanë strategjikë, ishte proporcional ndaj sulmit kimik në Salisbury.
Po krisjes së fundit, MEPJ thekson se kanalet diplomatike mbeten të hapura në funksion të marrëdhënieve konstruktive dypalëshe, paqes dhe sigurisë
Deklaratë për shtyp e Ministrisë së Jashtme të Shqipërisë
Me datë 30 mars 2018, Ambasadori i Republikës së Shqipërisë në Moskë u thirr në Ministrinë e Punëve të Jashtme të Federatës Ruse. Gjatë takimit, Ambasadorit i’u komunikua shpallja “non – grata” e dy diplomatëve shqiptarë të akredituar në Federatën Ruse.
Reagimi i Moskës nuk përbën surprizë për ne. Vendimi i marrë prej nesh pak ditë më parë në lidhje me dy diplomatët Rusë, i bashkërenduar me qëndrimet e aleatëve tanë strategjikë ishte proporcional ndaj sulmit kimik në Salisbury.
Theksojmë se kanalet tona diplomatike mbeten të hapura në funksion të marrëdhënieve konstruktive dypalëshe, paqes dhe sigurisë.
javanews.al/a.ç
