Ndërsa për mbledhjen e radhës së Këshillit Politik palët duket se nuk po gjejnë dakordësi, pasi opozita e Bashkuar kërkon futjen e ekspertizës së OSBE-ODIHR, ndërsa mazhoranca e cilëson këtë një taktikë për të zvarritur procesin, vjen edhe reagimi i OSBE-ODIHR.
Zyra e OSBE-ODIHR në Varshavë i është përgjigjur interesimit të News 24 në lidhje me debatin për reformën zgjedhore.
E pyetur nëse do jepnin një opinion sa i takon debatit mbi listat e hapura dhe koalicionet, ODIHR thekson:
“Siç e dini, ODIHR mbështeti punën e Komisionit Parlamentar Ad Hoc dhe Këshillit Politik këtë verë para se të miratoheshin ndryshimet në Kodin Zgjedhor.
Ne jemi të gatshëm të vazhdojmë të mbështesim Këshillin dhe të shohim përpara për të marrë detaje nga zhvillimet e punimeve në Këshill, mbi aktivitetet e tij dhe se si mund të ofrojmë një ndihmë konkrete”.
/a.r
