Ministrja e Shtetit për Standardet dhe Shërbimet, Milva Ekonomi, e cilësoi Edi Ramën si një brand ndërkombëtar.
Gjatë fjalës së mbajtur në Kuvend, Ekonomi tha se arritjet e bëra nga Shqipëria në arenën ndërkombëtare, vijnë si pasojë e të qenit kryeministri Rama një brand ndërkombëtar.
Sipas ministres, ajo që ka arritur sot Shqipëria në arenën ndërkombëtare është e panjohur më përpara.
“Në fakt të gjithë e dimë që brandi është term shumë i rëndësishëm në marketing, pavarësisht nëse brandi është tregtar apo politik.
Ai që është brend do të marketojë ndryshe një cilësi të asaj që përfaqëson. Dhe zoti Rama është pikërisht ai që di të marketojë ndryshe një cilësi të popullit shqiptar. Është një brand ndërkombëtar.
Ajo që ka arritur Shqipëria në arenën ndërkombëtare sot është e panjohur më përpara, prandaj edhe trembeni ju.
Është ndryshe nga çdo herë tjetër. Në çdo detyrë që që kemi marrë në arenën ndërkombëtare, kemi dalluar në këto vite.
Mos harroni sa mirë që u menaxhua kryesimi i OSBE-së, mos harroni zërin që kemi sot në NATO.
Ka një arsye pse zoti Rama është brand ndërkombëtar, nuk e ç’bëjmë dot këtë se e shikojmë ne, e shikojnë dhe partnerët ndërkombëtarë”, tha Ekonomi.
Asaj iu përgjigj Sali Berisha.
Në replikën e tij në Kuvend, ai i ka kërkuar që të mos imitojnë gratë e Gaddafit, të cilat e konsideronin atë “ylli i Saharasë”.
Berisha tha se Rama nuk është si Gaddafi, por njëkohësisht nuk mund të jete edhe brand, sepse ai është hajdut.
“Lidhur me vizitën e ish ministrit të Jashtëm në Libi dhe takimin e Gadafin.
Është ai që më tha që çadra e tij rrethohej me 12 gra. Siç i thotë Milva “brand” Edi Ramës, ata i thoni Gadafit ylli i Saharasë.
Prandaj dhe unë mendoj që mos ndiqni shembullin e tyre. Ai i mbante për funksione mbrojtëse.
Ju keni detyra të tjera para qytetareve dhe jo para atij, i cili e keni vetë të qartë sesi i ka bërë firmat dhe sa keq përdor ju në detyrat që ushtroni.
Ti i thua brand, ajo i thoshte ylli i Sahrasë. Është normale të imitosh atë të Gadafit? Jo
Unë nuk them se ku është Gadafi, por nuk mund të jetë brand sepse është hajdut”, tha Berisha./m.j
