Analisti Plator Nesturi është përplasur me deputetin e Partisë Demokratike, Flamur Nokën në studion e emisionit “3D” në RTSH, ku u diskutua mbi situatën në të cilën ndodhet ish-kryeministri Sali Berisha, për të cilin SPAK ka kërkuar “arrest shtëpie”.
Nesturi u shpreh se Berisha jo vetëm është nën hetim për çështjen e privatizimit të kompleksit sportiv Partizani, por po ashtu mbi të rëndon edhe shpallja non grata nga SHBA dhe Britania e Madhe.
Nga ana tjetër, Noka e konsideroi çështjen ndaj Berishës si “drejtësi politike”.
Debati:
Nesturi: Ju doni të sillni tubacion për drejtësi të re dhe doni ti vendosni një saraçineskë, por nuk e bën dot
Noka: E kam thënë, te dosja Partizani për të cilën është në hetim Berisha, po të shohësh lejen e ndërtimit e ka dhënë Edi Rama. SPAK ka bërë kujdes të tmerrshëm që mos të përmendte gjëkundi emri i Edi Ramës
Nesturi: I kemi thënë këto gjëra, mos të bëjmë përsëritje hajde të themi gjëra konkrete
Noka: Jo jo, më konkrete se kjo nuk ka. SPAK bën kujdes të veçantë që të zhduke dokumentin që thotë se Edi Rama e kaloi nga kompleks sportiv në truall ndërtimi. Edhe te inceneratorët, 5 kërkesa drejtuar qeverisë nga Veliaj, të gjitha të zhdukura. SPAK bën kujdes t’i zhdukë.
Nesturi: Do bëjmë ndonjë debat apo jo? I ke thënë të gjitha
Noka: Janë të zhdukura të gjitha
Nesturi: Nuk zhduket asgjë
Noka: Skenari i drejtësisë politike është që shefat politikë nuk do akuzohen do ta hanë ca ushtarë dhe ky institucion është krijuar për të goditur opozitën
Nesturi: Jo
Noka: Ke sot Sali Berishën nën atak të kësaj celule politike, Ilir Metën me Monika Kryemadhin, Fatmir Mediun dhe të gjitha këto vetëm opozita. Kur vjen radha te pushteti na del që inceneratorin e ka bërë një pastruese, një roje dhe maksimumi në drejtor. Ai që bën 5 kërkesa me firmë e me vulë për inceneratorin ai zhduket
Nesturi: Do bëjmë debat apo nuk do bëjmë, e ke thënë 20 herë. Berisha është nën hetim dhe ka dhe një non grata. Kjo non grata nuk merret për çështjet e pallatit te Partiznai, ka dhe gjëra të tjera që ti i di shumë mirë.
Noka: Pse ky ngut për të izoluar Berishën dhe goditur opozitën? Sepse shumë shpejt dosja McGonigal do të ketë problemet e veta, do të hapë petët e lakrorit.
Nesturi: Berisha mund t’i hapte petët e lakrorit atëherë kur e kishte në kontroll drejtësinë jo tani. Tani nëse ka marrë rrugë ajo dhe i kundërvihet, bën gabim. Ti e di shuëm mirë që shumë prokurorë e gjykatës i ka hequr Vettingu sepse i ka urdhëruar Berisha apo ndonjë tjetër për ato që kanë bërë dhe shumë prej tyre kanë dhënë dhe dorëheqjen.
Noka: Zbrit nga autobusi se je në autobus. Berisha në jetën e vet kurrë nuk e ka ngritur telefonin për asnjë rast në drejtësi. Ai që kërcënon drejtësinë është Rama.
/a.r
