Siç ishte parashikuar, PD ka nisur mbledhjen e grupit për të rakorduar qëndrimin e saj në lidhje me reformën në drejtësi si dhe atë në sistemin zgjedhor, por nuk ka kaluar shumë kohë dhe një sërë debatesh kanë nisur. Jozefina Topalli i është drejtuar Lulzim Bashës duke shprehur kundërshtinë e saj për mbledhjen që grupi do të zhvillojë me ambasadorët Lu e Vlahutin.
“Ardhja e ambasadorëve në mbledhjen e grupit e papranueshme.. është rast unik në botë që një ambasador të thërrasë në mbledhje një grup parlamentar” mësohet të ketë thënë Topalli.
Në kundërpërgjigje, Basha ka thënë se askush nuk duhet të kompleksohet.
“SHBA është një mbështetëse kryesore, nuk kemi pse kompleksohemi.. ata na kanë ndihmuar për Venecian dhe BKH-në, kemi qëndruar dhe do të qëndrojmë fort tek parimet e reformës të vëna nga Komisioni Venecias.”- ka thënë Basha.
Ndërkohë, debat ka prodhuar edhe ish kreu i grupit parlamentar Astrit Patozi, i cili ka thënë se një reformë në drejtësi pa reformën zgjedhore do të ishte e kotë.
javanews/ a.k