Partia Demokratike ka mbledhur pasditen e sotme grupin parlamentar për të vendosur qëndrimin rreth reformës në Drejtësi, që pritet të shkojë për votim në Kuvend të enjten.
Mësohet se brenda grupit demokrat janë zhvbilluar debate ku deputetja Majlinda Bregu ka kërkuar që PD ta votojë reformën.
“Duhet të votojmë reformën dhe t’u japim fund përrallave me diversantë. Nuk mund të fshihemi pas detajeve dhe t’i shpallim luftë SHBA-ve” – mësohet të ketë thënë Bregu.
Ish-ministrja e Integrimit ka kërkuar votë PRO nga ana e PD dhe jo të presin votat e Ilir Metës, siç është shprehur ajo.
“PD nuk mund të presë deklaratat e Metës dhe se çdo bëjë ai më pas” – ka thënë Bregu.
Pjesë nga debatet në mbledhjen e PD:
Selami i është drejtuar Bashës në mbledhje: Premtove qe pas nenit 88 do e votoje…Nuk e kuptoj pse nuk e jepni zgjidhjen. Na keni futur ne kurthin e sherrit me nderkombetaret.
Majlinda Bregu: Ne duhet të dalim me zgjidhje… Duhet të votojme, ne sot jemi nevojtare edhe per te vendosur veten në krahun ku kësaj partie i takon të jetë. Nuk mund të fshihemi pas detajeve. Ne nuk mund ti shpallim luftë ambasadorëve.
Le ti leme përrallat me diversante. Ne duhet të votojmë dhe jo të presim votat e Metës. Ne nuk mund të presim deklaratat e Metës për të vendosur se cdo beje PD.
Astrit Patozi: Kam merak se do shkojmë në një seancë ku do votohet dhe ne do na drejtojnë gishtin trgues si delja e zezë.
