Kryeministri Rama ka bërë replikë edhe me ish kryetaren e kuvendit Jozefina Topalli, e cila gjatë fjalës së saj e ka cilësuar atë si një gënjeshtar që bën për budalla popullin shqiptar. Në kundërpërgjigje Kryeministri ka dhënë një “detaj” të paditur më parë, duke i thënë Topallit se edhe në dokumentat e Komisionit Europian, emri saj figuronte për keq, në kohën kur ishte kryetare e kuvendit dhe për mënyrën sesi ajo drejtonte seancat plenare.
Topalli: Sigurisht që ti vazhdon të bësh ironi me shqiptarët, ndoshta ti mendon se ata budallenj janë, por të jesh i varfër nuk do të thotë të jesh budalla, të jesh i varfër nuk do të thotë të mos kuptosh hipokrizinë, të gënjesh nuk do të thotë se je lidër, ti je vetëm një gënjeshtar.
Rama: Ke dalë në raport me emër. A e kupton jozefinë. Je me emër në raport progresin e KE-së, si problem, në kohën kur drejtoje kuvendin e Shqipërisë. Je me emër! Tani vjen këtu sa herë e merr fjalën dhe thua, ishim më mirë kur ishim më keq.
Tani ti del këtu dhe i kërkon llogari kësaj qeverie dhe flet këtu për varfërinë, a thua se lindi në 2013. Ndërkohë që po t’i referohesh fakteve, patjetër qe shqipëria ka varfëri, por faktet dhe raportet flasin për një trend rënës të varfërisë. Nuk flasin për rritje të varfërisë Jozefinë!
Po e njëjta dhe për punësimin, Raportet flasin për rritje të punësimit Jozefnë.
Ju vini këtu dhe flisni kur nuk keni asnjë ide, zero alternativë, zero ide, zero ekip, dhe u thoni njerëzve hajdeni kthehuni aty ku ishim, se ishim më mirë, atëherë kur ishim më keq.
Vazhdoni bjerini fyellit në të vetmen brimë që keni hapur. Do jemi më pak në zgjedhjet e tjera Jozefinë!
Hqipëria nuk kthehet dot prapa dhe ju nuk e ndaloni dot Shqipërinë që të mos bëjë dot përpara. Ju jni të gjithë një kosh njerëzish të rënë nga vafti dhe meritoni vetëm vaktin që meritoni këtu duke bërë vetëm baltë baltë baltë. Ju jeni komplet të humbur në përkthim!
Topalli: Ndihem shumë e nderuar për raportet ku është përmendur emri im… sapor Berxhi ka bërë një sondazh dhe në bazë të tij qeveria aktuale është ajo më e korruptuar. Nuk të lexova raportin e BE-së, ku thuhet se ke vjedhur 200 mln euro…. BB thotë se varfëria ekstreme është katërfishuar në vend. Në takimet me Merkelin, ti ke marrë zero projekte. Në takimet që janë bërë në kohën e Berishës janë marrë të paktën sa herë ka patur, një projekt i madh. Po ti, përveç ekspozitave, si ka mundësi që nuk i trregon shqiptarëve një projekt, jo dy, por një!
Në vitin e ardhshëm the që do jetë viti i investimeve. Tempo scadutto zoti Rama. Vitin e ardhshëm të mbaron mandati, kshuqë nuk ka investime./java/a.k
