Kryetari i Këshillit të Qarkut Tiranë, Aldrin Dalipi thotë se ka ngelur i befasur nga raportimet për një debat mes kryebashkiakut Erion Veliaj dhe prokurorit të çështjes në gjykatë.
Gjatë një interviste për Klan News përballë gazetarit Drini Zeqo, Dalipi thotë se ky debat lidhet me lëshimin e një leje ndërtimi, për të cilin sipas tij, kryebashkiaku Veliaj ka paraqitur dokumenta në seancën gjyqësore.
Aldrin Dalipi: Kam ngelur i befasuar sot kur kam dëgjuar kryetarin e bashkisë nga brenda që është raportuar nga të gjitha lajmet për të famshmen leje ndërtimi dhe për të famshmin debat që ai ka bërë me një prokuror të caktuar në lidhje me këtë çështje. Veliaj për përballet me gjykatën, me prokurorët speciale dhe ato që dalin nga brenda janë disa fakte që janë tronditëse.
Drini Zeqo: Kemi dëgjuar sot për një përballje që nuk është konfirmuar akoma mes kryetarit të Bashkisë Tiranë, Erion Veliajt dhe prokurorit të çështjes për një çështje leje ndërtimi. Cila është e vërteta e kësaj leje ndërtimi, si përfshihen në këtë çështje?
Aldrin Dalipi: Kryetari i bashkisë është burgosur pa gjyq dhe kjo është shumë e rëndë. Ajo që kryetari i bashkisë ka thënë sot se ka nxjerrë një dokument para gjykatës përballë prokurorit special, një dokument ku faktohet ajo që ju thatë për një leje ndërtimi dhe për një debat që ata kanë pasur, të thënë nga Veliaj, për leje ndërtimi dhe për kate që janë kërkuar më tepër se aq, kjo është një gjë që Veliaj e ka thënë aty sot publikisht. Nxjerr apo vë përballë pikëpyetjeve të mëdha se si dhe në çfarë mënyre hartohen këto dokumente në Shqipëri. Kryetari i Bashkisë ka publikuar sot dokumente në gjyq ku ka kërkuar që prokurori në konflikt interesi të largohet nga kjo çështje, ose të zgjedhë rrugën që të bashkohet me sipërmarrësit që janë në gjykatë të paraqitur.
