Xhani De Biazi ka preferuar përsëri një asistent italian për të zënë vendin e lënë bosh nga Paolo Tramexani. Njoftimi nuk ka ardhur nëpërmjet zyrës për shtyp të FSHF-së, ashtu siç duhej të ndodhte normalisht, por i është komunikuar mediave italiane.
Portali i gazetarit të njohur italian Xhianluka Di Marzio ka bërë të ditur se Marko Veronese do të jetë asistenti i ri i teknikut të përfaqësueses shqiptare.
Me sa duket, De Biazi ka vendosur t’i besojë një ish-futbollisti të tijin. Ai ka drejtuar Veronesen në vitet e suksesshme te Modena kur ngjiti ekipin nga C1 në A. Veronese, ndonëse i dale nga akademia e Interit si sulmues me perspektivë, ka kaluar karrierën e ti si futbollist në ekipe të vogla derisa e mbylli atë përfundimisht te Pavia.
Ai drejtoi ekipin e paratërinjve të këtij klubi para se të bëhej asistent i Fulvio Pea te pankina e Monxës dhe Kremonezes.
Pritet që ai të udhëtojë së shpejti drejt Tiranës për të nënshkruar kontratën e re ndërsa nuk dihet ende nëse do të merret edhe me zbulimin dhe ndjekje e talenteve siç bënte Tramexani para tij.
Megjithatë, parashikohet që edhe Ervin Bulku të vazhdojë të jetë pjesë e stafit teknik të përfaqësueses, si asistenti shqiptar i De Biazit./panorama/a.k
