Trajneri i kombëtares shqiptare, Xhani De Biazi, ka dhënë një intervistë për “tio.ch” duke komentuar debutimin e Tramexanit në krye të Luganos me humbjen 4-0 përballë Bazelit. Atë ndeshje De Biazi e ndoqi nga tribuna si spektator dhe tregoi se pati ftohtë për shkak të temperaturave të ulëta.
“I ftohti… Gjatë pjesës së parë u bëra si pleqtë, i mbuluar me batanije nga këmbët, ndërsa në pjesën e dytë preferova të futesha në ambientet e brendshme të stadiumit”, u shpreh De Biazi.
Ish-ndihmësi juaj, Tramexani, përjetoi një debutim shokues si trajner i parë.
“Shokues jo, mos ta ekzagjërojmë. Le të themi që nuk ishte pozitiv. Por janë të shumtë elementët që ndikuan: vihej nga një pushim i gjatë dhe ishin shumë situata për t’u parë, shumë risi…”
Çfarë këshille e ndjen se duhet t’i japësh Tramexanit?
“Asnjë këshillë. Kemi komunikuar dhe folur për ndeshjen. Paolo i ka të gjitha cilësitë e nevojshme për të bërë një sezon pozitiv me Luganon. Ka një karakter shumë të fortë, ka personalitet dhe ide të qarta. Ai e di ç’duhet të bëjë për ta shpëtuar skuadrën.”
Do të ketë padyshim fundjava të mira dhe të tjera më pak, por çfarë është e rëndësishme në një ekip që lufton për mbijetesë?
“Më e rëndësishmja është që Paolo të mbështetet në momentet e vështira. Drejtuesit duhet t’i dhurojnë qetësi, pasi është themelorja për të bërë një punë të mirë.”
ma.me
