Kryeministri i Italisë, Matteo Renzi, ka përgëzuar trajnerin e Shqipërisë, Gianni De Biasi, për kualifikimin në Euro 2016. Renzi ka folur në programin sportiv të Radio RTL 102.5, ku është përqendruar kryesisht te momenti i mirë i Fiorentinës, skuadrës së tij të zemrës, por nuk ka lënë jashtë vëmendjes kombëtaren italiane, si dhe atë shqiptare. “Urime për Antonio Conten dhe skuadrën e tij për kualifikimin e arritur, por dua t’i jap një përqafim special trajnerit De Biasi që e çoi për herë të parë Shqipërinë në një fazë finale”, tha kryeministri italian, i cili më parë ka uruar edhe kryeministrin shqiptar, Edi Rama.
De Biasi, një “përqafim special” nga Matteo Renzi
