Gianni De Biasi është një nga alternativat e presidentit të FIGC, Tavecchio, për trajnerin që do të pasojë Antonio Konten në stolin e Italisë pas Europianit.
Ish-trajneri i Juventusit ka arritur një akord me Chelsean për të drejtuar londinezët pas Francë 2016, ndërkohë që trajneri i Shqipërisë dhe Gianpiero Gasperini janë dy emrat e shtuar së fundmi në listën e emrave të mundshëm që mund të pasojnë Konte në stolin e të kaltërve.
“Ka shumë kandidatë për stolin e Italisë dhe nuk mendoj se jam njëri prej tyre. Kam një kontratë deri në fund të 2017-s me Kombëtaren shqiptare, por më gjeni një trajner italian që nuk do të donte të drejtonte Italinë”, është përgjigjur trajneri i kuqezinjve për mediat italiane.
Panorama Sport
