Duket se kandidatura e Gianni De Biasit lidhet me çdo skuadër italiane që ka nevojë për një trajner.
E fundit në listë është skuadra e Seria A, Cagliari. Sardët mund të heqin dorë nga Rolando Maran dhe sipas mediave italiane, ish-trajneri i kombëtares shqiptare, Gianni De Biasi bën pjesë në listën e dëshirave të drejtuesve kuqeblu.
“Itasportpress.it” pohon se ish-futbollisti i Palermos është krah 3 emrave të rëndësishëm të trajnimit në Itali, si Roberto Donadoni, Massimo Carrera dhe Andrea Stramaccioni.
Pak ditë më parë, De Biasi ishte në listën e dëshirave të skuadrës tjetër të Seria A, Bologna, por këto të fundit zgjodhën të ulnin në stol Sinisa Mihajlovic. Aktualisht De Biasi është pa ekip, që prej nëntorit të vitit 2017, kur u shkarkua nga skuadre spanjolle, Alaves për rezultate të dobëta.
