David Villa është njëri nga yjet e futbollit evropian që vendosi të sprovojë veten edhe në SHBA, shkruann zeri.info. Sulmuesi spanjoll është pjesë e skuadrës New York City, me të cilën do të vazhdojë edhe në edicionin e ardhshëm.
“Tre vjet më parë filloi në projekt shumë interesant, ndërsa unë isha i nderuar të jem kapiteni i parë.
Kur i kujtoj ato ditë, e shoh se jemi rritur në të gjitha aspektet. Jam vërtet i lumtur, e dua këtë klub, këtë skuadër dhe mendoj se mund të luaj edhe më tutje në nivel të kënaqshëm.
Pra, me kënaqësi kam pranuar të nënshkruaj kontratën e re”, ka thënë golashënuesi më i mirë i të gjitha kohëve në kombëtaren spanjolle, i cili ka bërë karrierë te Braselona, Atletico Madrid, Valencia, Zaragoza dhe Sporting Gijon.
Kënaqësinë nuk e kanë fshehur as trajneri Patrick Vieira dhe drejtori sportiv Claudio Reina, përgatiti ”Zëri”. (b.an)
