Dashamir Shehi, i ftuar në ‘Real Story’, foli më tepër lidhur me planin ekonomik të koalicionit të tyre. Sipas tij, programi i tyre është me pak pika ku do të hiqen taksat, do të mbështetet bujqësia dhe industria. Sipas tij, ndryshimet duhet të bëhen edhe në kushtetutë.
“Ne duam të bëjmë një grup parlamentar, 7 veta. Ky është qëllimi ynë në qarqet e mëdha dhe Tiranën. Për ekonominë kemi bërë një program me pak pika dhe të kuptueshëm. Ne duam të ofrojmë një sistem fiskal të thjeshtë, taskë të thjeshtë, një pjesë e taksave të hiqet.
E dyta gjykojmë që bujqësia është një sektor që duhet investuar, bujku është një sipërmarrës duhet të ketë akses tek banka dhe paratë. Shqipëria ka nevojë të industrializohet, një vend që nuk ka inxhiniera që nuk prodhon kurrë gjë nuk ka një fabrikë që bën pllaka. Ky vend nuk përpunon asgjë sepse ka hyrë në dorë të disa grupeve që pilotojnë ekonominë. Nëse do ja mbërrijmë të jemi fitimtarë, ka ardhur dita të ndryshojmë kushtetutën. Ai ligj ku opozita nuk mori pjesë, për pushtetin lokal, të ndryshohet sepse është në funskion të politikës dhe jo qytetarëve.”
