Mbledhja e djeshme e Komisionit të Ligjeve shënoi takimin e parë mes deputetëve të shumicës, dhe kolegut të tyre demokrat, Gent Strazimiri, pas ngjarjes tek liqeni, ku deputeti u shfaq i armatosur në protestë. Socialistët që kishin pritur një ndjesë nga Strazimiri, thanë se ai dha një shembull të keq, e për këtë duhet të mbajë përgjegjësi. Pirro Lutaj, deputet i PS tha se demokratit i duhet treguar vendi, sikundërse do të ndodhte me çdo qytetar tjetër.
Dashamir Peza tha se shembulli i Strazimirit ishte shumë i keq, dhe se nuk ishte ndier mirë kur kishte parë disa fotografi të kolegut të tij, që buzëqeshte nën shoqërinë e armëve. Vetë Strazimiri replikoi disa herë me demokratët, dhe tha me ironi se nuk do të bënte autokritikë, derisa shokët e sigurimit të mbaronin punë. Ai akuzoi mazhorancën se 5 deputetë të saj lëvizin akoma të armatosur. – Shqiptarja.com
