BRITANI E MADHE – Agjenti i shërbimit sekret britanik James Bond do të luhet sërish nga aktori anglez Daniel Craig. 49 vjecari, i cili është vlerësuar në të gjithë botën për këtë rol e ka konfirmuar vendimin e tij gjatë një interviste për emisionin “The Late Show” në Shtetet e bashkuara.
Daniel Craig e ka interpretuar këtë rol në katër filma, duke filluar me “Casino Royal” në vitin 2006, për të vijuar më pas me “Quantum of Solace” në vitin 2008, e për të përfunduar me “Skyfall” në vitin 2012 dhe “Spektrum” në vitin 2015 shkruan The Guardian.
Pas suksesit të “Spektrum” ishte lënë të kuptohej se Daniel Craig nuk do ishte më pjesë e këtij filmi, ndërsa producentet kishin nisur punën për të gjetur personazhin e ri që do të vishte rrobat e agjentit 007. Ende nuk është bërë i ditur titulli i filmit më të ri të James Bond, i cili pritet të dalë në kinema në nëntor të vitit 2019.
a.ç
