“Danger”- operacioni kap 30 kg tritol, gati për shitje
Kishin mbledhur 30 kg tritol dhe po bëheshin gati ta shisnin. Policia ka kapur në flagrancë gjatë operacionit të koduar “Danger” shtetasit: 1. Sokol Sinani, 31 vjeç, lindur dhe banues në Kukës; 2. Imerli Metaj, 37 vjeç, banues në Kukës. Sipas burimeve zyrtare personat janë kapur pas një pune hetimore një mujore të specializuar në Kamzë.
Sinanit dhe Metajt ju është gjetur një sasi prej 126 copë eksploziv plastik (xhelatin) me peshë të përgjithshme 30 kg. Arsenalit i janë shtuar edhe 45 kapsolla plasëse. Këta persona janë kapur teksa po tentonin dorëzimin e lëndës plasëse. Në cilësinë e provës materiale janë sekuestruar gjithashtu edhe dy telefona celulare dhe një shume e konsiderueshme të hollash. Policia po punon për kapjen e personit të tretë të implikuar në këtë tregëti lëndësh shpërthyese, i cili ndodhet në kërkim.
