Të shumta ishin diskutimet në mbledhjen e Kryesisë së Alibeajt, mbledhje e cila zgjati deri pas mesnate, për të vendosur variantin sesi do të shkohet në zgjedhjet e 14 majit.
3 variantet e diskutuara ishin që në zgjedhje të shkohej vetëm me këshillat bashkiak, të kandidohej me këshilla bashkiak dhe në ato bashki ku ka potencial dhe të kandidohej në të gjitha bashkitë e vendit, përfshirë 3 bashkitë e mëdha, Tiranë, Durrës, Elbasan.
Mësohet se pas shume diskutimeve, pas mesnatës, Kryesia ka votuar, për secilin nga tre variantet.
Sa i përket variantit të parë, për të kandiduar vetëm për këshillat bashkiak, Kryesia e Grupit të Alibeajt ka votuar kundër, rreth 15 vota kundër.
Varianti i dytë, ku të kandidohej për këshillat bashkiak dhe në bashki specifike, ku kishte kandidatë fitues, u votua me rreth 15 vota kundër.
Ndërsa varianti i tretë, ku do të kandidohej për Tiranën, Durrësin, Elbasanin dhe bashkitë e tjera, u votua me shumicë nga Kryesia.
Emrat e propozuar në mbledhje si kandidatë të mundshëm për Tiranën ishin:
Jorida Tabaku,
Jonila Gogole
Roland Bejko
Xhemal Gjunkshi.
Tabaku u tërhoq, duke argumentuar se nuk do të përçajë PD-në, duke mos e pranuar propozimin. Të njëjtën gjë bëri edhe Xhemal Gjunkshi, i cili gjithashtu u tërhoq.
Sot në oren 18.00 do të vendoset se cili do të ketë kandidati i Tiranës.
Sa i përket kandiatëve të publikuar deri tani nga PD e Alibeajt, ata janë 17.
Mallakastër- Agron Kapllanaj
Poliçan – Florian Qamo
Kuçovë – Ilirjan Koxhaj
Kamëz – Bilbil Bajraktari
Lezhë – Sandër Marku
Krujë – Sabah Sheta
Dibër – Naim Gazidede
Kurbin- Genc Doçi
Dimal- Dritan Sula
Patos- Pranvera Rizai
Vaut i Dejës- Klomentina Drini
Fier -Eriselda Zotaj Çelaj
Librazhd -Bujar Vreto
Vorë- Ibrahim Bruka
Korçë -Gjergji Gjata
Sarandë- Skënder Muço
Mirditë Mark Ruçi
Por edhe pse një vendim të Kryesisë për të hyrë në zgjedhje me 61 kandidatë, është vendosur që degët e PD-së në rrethe, të vendosin nëse duan të hyjnë me zgjedhje, apo jo?
Pra do të jenë degët e PD së Alibeajt të cilët pas vendimit të Kryesisë, do vendosin nëse do të nxjerrin kandidat për zgjedhjet e 14 majit apo jo.
/s.f
