Evropa do të vazhdojë, edhe pse britanikët vendosën të largohen, por kemi shumë punë për të bërë, deklaroi sot ministri i Jashtëm francez, Jean-Marc Ayrault.
“Trishtim për Mbretërinë e Bashkuar. Evropa duhet të vazhdojë, por duhet të reagojë dhe të rifitojë besimin e njerëzve. Kjo është urgjente”, shkruaajti Ayrault në Twitter.
Ndërkohë, edhe ministri i Jashtëm gjerman, Frank-Walter Steinmeier deklaroi sot se referendumi në BM shënon një ditë të trishtë për Evropën dhe Britaninë e Madhe.
“Lajmet që vijnë nga Britania e Madhe janë një deziluzion. Ditë e trishtë për Evropën dhe Britaninë e Madhe”, tha në Twitter, në anglisht, Steinmeier./a.m.
