Shpallen fituesit e Lotarisë Amerikane DV 2017. Të gjithë ata persona që kanë aplikuar mund të shohin përgjigjet për statusin e tyre, përmes faqes së internetit të Programit të Vizave të Shumëllojshmërisë, (E-DV www.dvlottery.state.gov) për të parë nëse jeni përzgjedhur apo jo për të vijuar më tej aplikimin.
Tё gjithё personat që kanë aplikuar për Lotarinë Amerikane DV-2017 mund të kontrollojnë statusin e aplikimit tё tyre nëpërmjet “Kontrollit të Statusit të Regjistrimit” online qё është bërë aktiv sot me datë 3 Maj 2016 në orën tonë lokale 18:00 nëpërmjet faqes elektronike E-DV të departamentit të shtetit amerikan dhe mund të zbulojnë nëse regjistrimi i tyre është përzgjedhur apo jo. Departamenti i Shetit amerikan ju jep mundёsi që t’ju lejojë për të rimarrë numrin tuaj tё konfirmimit, nёpёrmjet rikuperimit tё tij duke pёrdorur tё dhёnat tuaja identitare qё keni pёrdorur gjatё regjistrimit nё periudhёn Tetor-Nёntor 2015.
Pasi të jeni në faqen e kontrollit të statusit të regjistrimit (ENTRANT STATUS CHECK), www.dvlottery.state.gov/ESC klikoni nё opsionin ku thotë FORGOT CONFIRMATION NUMBER dhe më pas plotësoni të dhënat përkatëse tuajat për ta rikuperuar atë./a.m.
