Klodian Lekocaj, i cili ditët e fundit është lakuar si personi që ka porositur vrasjen e dy shqiptarëve në Athinë, Kreshnik Çerçizaj dhe Armando Organja ka mohuar kategorikisht se është i përfshirë në ngjarje.
Mediat greke ngrenë dyshime se Lekocaj ka lidhje me ekzekutimin e dyfishtë më 18 dhjetor në Athinë, por edhe me vrasjen e Edmond Papës më 16 Dhjetor në zonën e Selitës në Tiranë.
Lekocaj shprehet se gjithçka po e bën policia greke pasi e di se kush është autori i vërtetë. Sipas tij policia kërkon të mbyllë sa më shpejt punën e saj.
“Nuk kam dorë në vrasjen e fundit. Policia po e bën këtë për të mbyllur punën e saj. Policia greke e di kush është autori. Ju betohem për shpirtin e nënës që nuk kam lidhje me ngjarjen.
Nëse policia e vërteton, unë do dal lakuriq para burgut. Unë jam me burgim të përjetshëm, nuk më gjen gjë ta pranoj. Nuk jam as i pastër sa qielli dhe as i pisët sa më bëjnë këta” ka thene ai për Faxnews./m.j
