Ministri i Jashtëm i Serbisë, Ivica Daçiç thekson rëndësinë e veprimit të unifikuar të Bashkimit Europian për përballimin e krizës së refugjatëve. Në rast se Austria mbyll kufijtë për refugjatët edhe Serbia do të jetë e detyruar të ndryshojë politikat e saj, thotë ministri i Jashtëm serb, Ivica Daçiç. Serbia është një nga vendet ku refugjatët kalojnë tranzit në itinerarin e Ballkanit dhe deri më tani sipas ministrit Daçiç “ne kemi një qëndrim mjaft konstruktiv, për të cilin kemi marrë reagime pozitive nga e gjithë bota, Bashkimi Europian, Kombet e Bashkuara. Më duhet të theksoj se vetëm në vitin 2015 ne kemi pasur 600.000 emigrantë që kanë kaluar përmes Serbisë dhe ajo që është shqetësuese për ne është mungesa e një qëndrimi të unifikuar të BE-së”, referon Blic.
Daçiç, pse jo dhe Kosova s’mund të jetë vend tranzit për refugjatët?!
