Ministri i Jashtëm i Serbisë, Ivica Daçiç, deklaroi se ka shpresa që Konferenca e Përgjithshme e UNESCO-së të mos konfirmojë pranimin e Kosovës. Konferenca e UNESCO-s mblidhet nga data 3 deri më 13 nëntor, në të cilën, ndër të tjera do të jetë në rend të ditës edhe pranimi i Kosovës në radhët e kësaj organizate me të drejta të plota, pas rekomandimit nga Këshilli Ekzekutiv .
Daçiç i tha TV Pink se shpreson që në Konferencën e Përgjithshme krahas 60 vendeve që nuk e kanë njohur Kosovën do të ketë edhe vende të tjera që do të votojnë kundër pranimit të saj në këtë organizatë.
