Dy pjesëtarë të personelit të Ambasadës së Serbisë, Sllagjana Stankoviç dhe Jovica Stepiç, që ishin rrëmbyer në Libi në nëntor të vitit të kaluar, mendohet se janë vrarë nga sulmi amerikan kundër një kampi të dyshuar stërvitor të grupit militant, Shteti Islamik, ka thënë ministri i jashtëm i Serbisë, Ivica Daçiç. Zoti Daçiçi ka shpjeguar se informata për vrasjen e tyre i ishte dhënë Serbisë nga zyrtarët e jashtëm, por këto vrasje nuk janë konfirmuar nga qeveria e Libisë. Zyrtarët amerikanë thanë se nga sulmi ajror janë vrarë dhjetëra njerëz, me gjasë edhe personi, Noureddine Chouchane, operativist i lartë i grupit militant, Shteti Islamik, që kishte kryer sulme në Tunizi.
