Gjatë takimit të Berlinit ku morën pjesë edhe pala kosovare, Kancelarja gjermane Angela Merkel dhe Presidenti francez, Emmanuel Macron, i kanë kërkuar kryeministrit Ramush Haradinaj që ta heq taksën dhe në këmbim të saj të merr liberalizimin e vizave për Kosovën.
Të gjitha këto deklarata i ka zbuluar dhe po i thotë ministri i Jashtëm serb, Ivica Dacic, madje ai po thotë se Haradinaj kishte nënvlerësuar takimin me Merkelin dhe Macronin.
“Ata në një moment i thanë, shfuqizojeni taksën, kurse ne do të sigurojmë që t’ju hiqen vizat’, kurse Haradinaj tha: ‘Kush do ta na garantojë këtë?’”, ka thënë Daçiq, duke shtuar se “Haradinaj me këtë ka treguar se Macron dhe Merkel për Prishtinën nuk janë kurrfarë garancie”.
Daçiq vlerësoi se Haradinaj nuk do të sillej në atë mënyrë sikur të mos kishte dikë pas shpine, dhe shtoi se çështja është se kush vërtetë dëshiron të arrihet përparim në dialogun midis Kosovës dhe Serbisë.
“Le të fillojmë së pari që sërish të negociojmë e jo që Prishtina të inkurajohet që vazhdimisht të kryejë disa akte të njëanshme”, tha Daçiç për TV Prva.
Dacic ka deklaruar po ashtu se ky qëndrim i Haradinajt ndaj Francës, është mesazh i mirë për Kosovën se Macron do të qëndrojë vetëm në Beograd dhe jo në Prishtinë.
g.kosovari
