Përdorimi i internetit është bërë i domosdoshëm për të gjitha moshat dhe në çdo kohë. Telekom Albania, nëpërmjet programeve të përgjegjësisë sociale është kujdesur gjithmonë që sidomos fëmijët të navigojnë të sigurt në internet. Gjatë ditës së shtunë, 30 fëmijë të qytetit të Tiranës morën pjesë një një bootcamp të dedikuar sigurisë online mbështetur nga Telekom dhe organizuar nga ICTSlab.
Në të gjithë botën gjatë muajit Shkurt oranizohen aktivitete sensibilizuese me fokus Internetin e Sigurt. Gjatë trainimit një ditor, fëmijët mësuan se si të vlerësojnë në mënyrë kritike dhe si të reagojnë në rastet kur cënohen të drejtat e tyre dhe kur mund të ndihen të shfrytëzuar apo të kërcënuar.
Në përfundim të aktivitetit u zhvillua një konkurs për të testuar njohuritë e marra gjatë ditës. Telekom Albania i dhuroi tre fituesve ora MyKid.
Edukimi përmes lojës është një mënyrë shumë efektive sidomos kur bëhet fjalë për fëmijët. Telekom i kushton rëndësi të veçantë grupit të fëmijëve, për t’i edukuar mbi përdorimin sa më inteligjent të internetit. Përmes aktivitete të tilla përcillet më shumë informacion duke nxitur organizimin e më shumë aktiviteteve të tilla në të ardhmen, për të bërë sa më shumë fëmijë: “Internet Smart”.
