Ministri i Shtetit për Çështjet Vendore, Bledi Çuçi ka hedhur poshtë pretendimet e kryetares së Bashkisë së Shkodrës, Voltana Ademi, në lidhje me fondet e pakëta që u jepen bashkive ku të zgjedhur janë përfaqësuesit e PD-së. Nëpërmjet shifrave Çuçi ka sqaruar se Bashkia e Shkodrës, në karahsim me Bashkinë e Tiranbës, 60% të fondeve i merr nga qeveria, përkunmdër 23% që merr Bashkia e Tiranës.
“Ka një debat të ngritur artificialisht nga një pjese e bashkive të opozitës për ndarjen e fondeve dhe financimin e bashkive. Po u marr një shembull konkret për të treguar që këto pretendime nuk qëndrojnë. Le të krahasojmë psh. buxhetin e bashkisë Shkoder dhe bashkisë Tiranë. Buxheti i bashkisë Shkoder për vitin 2016 është rreth 1,6 miliardë leke nga të cilat 1 miliardë lekë vijnë nga transfertat qeveritare dhe 600 milion janë planifikuar nga të ardhurat vendore. Ndërsa respektivisht buxheti i bashkisë Tiranë është rreth 10 miliardë lekë nga të cilat rreth 2,3 miliardë lekë janë nga transferat qeveritare. Pra Shkodra rreth 60% e buxhetit e merr nga qeveria qendrore, ndërsa Bashkia Tirane vetëm 23% dhe pjesën tjetër e ka nga rritja e mbledhjes se taksave vendore apo dhe përdorimi i metodave te reja inovative si bashkëpunimi me biznesin ”, u shpreh Çuçi.
Ministri u bëri thirrje kryetarëve të bashkive që të vijojnë të realizojnë projekte të mira për qytetet që drejtojnë, për të marrë mbështetje nga buxheti i qeverisë.
“Thirrja ime për çdo kryetar bashkie, do të ishte, që ankesat te zëvendësohen me projekte te mira, te cilat mbi baze merite mbështeten nga qeveria shqiptare me fonde. Unë si ministër i Shtetit për Çështjet Vendore jam i gatshëm t’i mbështes, madje edhe tek donatorët e huaj, në mënyrë që të realizohen projekte që e përmirësojnë jetën e qytetareve kudo ata jetojnë”, shtoi Çuçi.
Ai nënvoi se që në fillim të konstituimit të bashkive të reja u është dhënë fondi i tranzicionit prej 20 milionë dollarë.
”Kemi financuar përgatitjen e 26 planeve të përgjithshme vendore nga buxheti i shtetit dhe 5 plane që financohen nga USAID. Së bashku me donatorët do mbështesim krijimin e shërbimeve te dixhitalizuara dhe ofrimin e tyre në sportelet me një ndalese (one stop shop). Po ashtu po zbatojmë projektin e dixhitalizimit të arkivave me financim prej 1,5 milionë USD nga fondet e qeverise si dhe një fond prej 500 mijë dollarë nga donatorët dhe kemi gati mbështetjen me projektin e ri STAR 2, me një pakete prej 8 milionë dollarë”, deklaroi Çuçi.
Me. Ar
