Cristiano Ronaldo ka zbuluar një ndryshim të marrëdhënieve të tij me presidentin e Real Madridit, Florentino Pérez.
Sulmuesi portugez i cila u bashkua me Juventusin për rreth 100 milionë euro në muajin korrik, u largua nga Spanja si lojtari më i mirë i Realit, duke kontribuar në arritjet e klubit madrilen ku fitoi katër Ligat e Kampionëve dhe dy tituj të La Ligas.
Klubi i Realit të Madridit pretendoi se largimi i yllit të Kombëtares portygeze ishte kërkesë e vet lojtarit.
Por, Ronaldo në një intervistë me France Football , ka deklaruar se qëndrimi i Pérez ndaj tij kishte ndryshuar dhe kjo kishte ndikuar tek ai që të mendonte largimin nga “Santiago Bernabeo”.
“E ndjeva brenda klubit, veçanërisht nga presidenti, se ata nuk më shihnin me të njëjtën mënyrë si në në fillim. Në katër apo pesë vitet e parae, kisha ndjenjën se jam ‘Cristiano Ronaldo’.
Më pas presidenti më shikonte me sy tjetër , sikur nuk isha më i domosdoshëm për ta. Kjo më bëri të mendoj për largimin. E vërteta është se gjithmonë kam pasur përshtypjen se presidenti nuk do të më mbajë.
Nëse do të kishte qenë gjithçka për para, do të kisha shkuar në Kinë, ku do të kisha fituar pesë herë më shumë se këtu (tek Juventus) ose në Madrid. Unë nuk kam ardhur tel Juve për paratë. Dallimi është se, tek Juve, ata me të vërtetë më donin mua. Ata më thanë dhe e bënë të qartë. Më treguan këtë. ”
33-vjeçari, i cili shënoi 44 gola në sezonin e fundit me Real Madridin dhe ka realizuar shtatë të tillë deri më tani për Juventusin, synon të fitojë Topin e Artë për të tretin vit radhazi.
“Unë mendoj se e meritoj këtë vit … Po, unë ëndërroj të fitoj Topin e Artë për herë të gjashtë dhe të kaloj, në këtë rast, Lionel Messin”, u shpreh Ronaldo.
a.ç
