Kujt nuk do t’i pëlqente të jetë si Cristiano Ronaldo? Aftësitë e tij futbollistike janë të padiskutueshme, por sa i përket pjesës tjetër, përfshirë flokët dhe kur të ndihmon gjenetika, mjafton të punosh pak dhe mund të dukesh si ai, raporton La Gazzetta dello Sport, përcjell Gazeta Express.
Kështu po ndodh me modelistin dhe trajnerin e basketit në kohë të lirë, Diego Davila, i cili shpesh e zëvendëson Ronaldon në kampanjat promocionale (Nike, Herbalife etj…).
Davila tregon se sa lehtë është të punosh me Cristianon, duke e përshkruar atë si një njëri tejet të mirë.
“Cristiano është gjeni. Është kënaqësi të punosh me të sepse ai gjatë gjithë kohës është duke buzëqeshur dhe vazhdimisht bën shaka.
Është e vërtetë se në fillim ishim të distancuar, por me kohë kemi njohur njëri tjetrin dhe mund të them se ai është person i mrekullueshëm”, ka thënë Davila. (b.an)
