Crème Brûlée
Përbërësit (për 4 pesona):
1 litër qumësht
6 kokrra vezë
200 gram sheqer
1 bustinë vanilje
Përgatitja:
Në fillim hedhim sheqer në një tigan. Në zjarr të ngadaltë fillojmë të shkrijmë sheqerin sa të marrë ngjyrë të errët, por jini të vëmendshëm të mos digjet. Sheqeri, i cili ka marrë formë karameli të shkrirë, hidheni nëpër kupa të ndryshme, në pjesën e fundit.
Ndërkohë në një enë rrihni vezët me sheqerin që ka ngelur. Shtoni aty qumështin e nxehur derisa të tretet sheqeri. Shtoni më pas bustinën me vanilje.
Masën e përgatitur shtojeni në kupat ku keni hedhur më parë sheqerin e shkrirë. Futini kupat në një tavë me ujë dhe piqeni për afërsisht 1 orë në 180 gradë.
Pasi të jetë skuqur pjesa e sipërme, hiqeni nga furra. Lërini të ftohen në frigorifer dhe kur ta shërbeni kthejini kupat në anën tjetër.
