Situata brenda Partisë Demokratike pas zgjedhjet të 14 Majit mbetet ende e vështirë, ndërkohë që kryetari i grupit parlamentar Gazment Bardhi ka njoftuar për mbledhje të grupit dhe Kryesisë gjatë kësaj jave.
Gazetari i Klan News, Enkel Xhangoli bën me dije se grupi parlamentar do të mblidhet këtë të Hënë në orën 12:00, ndërsa nesër pritet të bëhet bashkë Kryesia.
“Sot do të ketë një rrahje mendimesh për mënyrën si do fillojë ky proces dhe kur. Edhe Kryesia e PD do të mblidhet nesër, duke parë vendimet që do merren sot në mbledhjen e grupit parlamentar. Do të shohim diskutimet sot”, raportoi gazetari.
Edhe gjatë fushatës, kryetar i komanduar i PD-së asokohe Enkelejd Alibeaj kishte paralajmëruar se pas zgjedhjeve do të niste një riogranizimin i strukturave të kësaj force politike. Nuk dihet ende nëse do të zgjidhet një kryetar i ri i PD apo do të ngrihet një grup kolegjial prej disa personash që do të drejtojnë për një periudhë PD-në.
Ndërkohë, ish-kryeministri Sali Berisha me mbështetësit e tij kanë ngritur një komision që po merret me mbledhjen e provave dhe analizës së zgjedhjeve lokale. Ky komision drejtohet nga Oerd Bylykbashi.
/a.r
