Sot më 28 dhjetor 2025 mbahen zgjedhjet e përgjithshme në Kosovë, ndërsa skenës politike i mungojnë ish-krerët e UÇK-së, që ndodhen në Hagë, mes tyre Hashim Thaçi.
Gazetarja Klesiana Omeri raporton për Klan News nga vendlindja e Thaçit, Buroja e Skënderajt, në lidhje me atmosferën zgjedhore në këtë fshat. Ajo tha se Buroja ka mbi 1000 banorë dhe se interesi për të votuar ka qenë tepër i lartë.
“Temperaturat në Skënderaj janë shumë të ulëta. Edhe era është e fortë këtu. Është fshat me mbi 1000 banorë. Ka numër të lartë të votuesve në qendrën e votimit në fshat. Për disa orë ka pasur ndërprere të energjisë elektrike këtu në Burojë dhe tashmë problemi është zgjidhur dhe energjia është rikthyer.
Ish-presidenti Hashim Thaçi ndodhet në Hagë dhe banorët e kësaj zone kanë kërkuar gjithmonë drejtësi për ish-kreun e shtetit dhe luftëtarët e lirisë”, tha gazetarja Omeri.
Deri në orën 15:00, mbi 582 mijë votues kanë votuar në zgjedhjet e Kosovës.
