Pas disa ditëve ku mbizotëronte optimizmi, bilanci italian sheh sërish rritje në numër infektimesh por veçanërisht ato të viktimave, më të lartin nga muaji janar, i ndikuar edhe nga vdekje të ndodhura në ditët e kaluara në rajone veriore, që nuk janë raportuar për shkak të Pashkëve.
Autoritetet kanë raportuar 13.708 raste pozitive, pothuajse një dyfishim nga dita e djeshme kur ishin 7767.
Viktimat u rritën ndjeshëm duke shkuar në 627, nga 421 të 24 orëve më parë.
Numri i madh i testimeve, me shumë se 340 mijë, ka bërë që të ulet gjithsesi niveli i pozitivitetit në 4% .
Lombardia me 2569 rikthehet si rajoni më i goditur italian, edhe pse mendohet se kapacitetet spitalore të mjaftueshme do t’i mundësojnë të ulë masat shtrënguese dhe të rikthehet në “zonë portokalli”./ b.h
