Në Gjermani gjatë 24 orët e fundit kanë humbur jetën 1.244 persona si pasojë e COVID-19, duke shënuar kështu një rekord të ri negativ për sa i përket pandemisë.
Ndërkohë që numri i rasteve të reja që u regjistruar për 24 orët e fundit është 25.164.
Vetëm 2 ditë më parë Angela Merkel ka paralajmëruar mundësinë e ashpërsimit të masave anti-COVID, si pasojë e rritjes së rasteve të infektimeve nga koronavirusi.
Numri total i infektimeve ka shkuar 1.980.861, ndërkohë që numri i viktimave është 44.404 që nga fillimi i pandemisë, duke përfshirë edhe përditësimet e ditës së sotme.
Gjermania, gjatë valës së parë të pandemisë është konsideruar një ndër ato shtete të cilat janë përballur me pasojat socio-ekonomike më së miri, por duket sikur vala e dytë ka gjetur këdo të papërgatitur.
g.kosovari
