Mes infektimeve të fundit me koronavirus, ka rezultuar i prekur edhe kreu i Gjykatës së Posaçme për Krim dhe Korrupsion, Sandër Simoni.
Mësohet se Simoni ka disa ditë që ka mësuar se është infektuar, duke u izoluar.
Por në javët e fundit kreu i Gjykatës, ka marrë pjesë në disa seanca gjyqësore.
Kjo ka bërë që të shtrihet hetimi epidemiologjik mes kolegëve, por edhe prokurorëve të prokurorisë së posaçme e njohur si SPAK, për shkak se ndodhen në të njëjtën godinë.
Në vendin tonë aktualisht janë 1318 persona aktivë me Covid-19, si dhe janë shënuar 85 viktima.
Shpërndarja gjeografike e rasteve aktive sipas qarqeve: Tiranë 529; Durrës 229; Shkodër 169; Vlorë 120; Lezhë 65; Fier 41; Kukës 40; Elbasan 34; Korçë 32; Berat 24; Dibër 18 dhe Gjirokastër 17.
/a.r
