Numri i të infektuarve nga Covid-19 në gjithë botën ka shkuar në11 milionë, përkatësisht 11,197,174 sipas Worldometers.
Ndërkohë numri i viktimave ka arritur në 529,197.
Numri më i madh i vdekjeve është regjistruar në SHBA, me 132,101 viktima, ndërsa pas saj radhiten Brazili me 63,254, Britania e Madhe me 44,131, Italia me 34,833, Franca me 29,893 dhe Spanja me 28,385.
Ndërkaq, në Kinë, vendin e origjinës së virusit, numri total i vdekjeve është 4,634.
Në SHBA, është regjistruar një fluks i ri i infeksioneve me rreth 58 mijë raste të reja të koronavirusit në 24 orë.
Në vend, numri i përgjithshëm i infeksioneve u rrit në 2.78 milionë ndërsa viktimat, që nga fillimi i pandemisë numërohen në 129.405, teksa në 24 orët e fundit u raportuan 728 vdekje.
Në Teksas, SHBA, ka pasur mbi 7,000 raste të reja të koronavirusit për të tretën ditë radhazi.
Amerika Latine ka regjistruar një rritje të lartë të rasteve Covid. Në 24 orët e fundit janë raportuar mbi 70 mijë të prekur nga infeksioni, ndërsa rastet kanë arritur në afro 2,8 milion, me një rritje të fortë të vdekjeve në rreth 125 mijë, nga të cilat mbi 2700 u raportuan ditën e fundit.
Brazili vazhdon të mbajë peshën e rritjes së shifrave të pandemisë. Totali i rasteve Covid është rritur në mbi 1.5 milion, nga të cilat mbi 42 mijë janë regjistruar në 24 orët e fundit. Autoritetet thanë se totalit prej më shumë se 63 mijë të viktimave i janë shtuar edhe 1,290 vdekje të tjera te regjistruara ditën e fundit.
Në renditjen Covid, pas Brazilit ndodhet Peruja me 295.599 infeksione dhe 10.226 vdekje, e më pas ndodhet Kili me 288.089 raste dhe 6.051 viktima.
g.kosovari
