Vazhdon rritja e numrit të personave të infektuar dhe viktimave në mbarë globin nga koronavirusi. Sipas worldometers numri i të infektuarve ka kaluar 24 milionë ose më sakt janë 24,359,548.
Ndërkohë numri i viktimave ka aritur në 830,197, por një lajm i mirë është se virusin e kanë mposhtur 16,893,457 persona.
Shqetësuese është situata edhe në Meksikë ku numri i viktimave në këtë shtet ka shkuar në 62,076 ku vetëm në 24 orët e fundit kanë vdekur 626 pacientë me Covid-19.
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 6,001,103 të infektuar dhe janë shënuar 183,677 vikitma.
Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 117,756 viktima dhe 3,722,004 milionë persona të infektuar.
Edhe Rusia po përballet me raste të shumta të pacientëve me koronavirus, ku deri më tani janë regjistruar 975,576 të infektuar, ndërsa numri i viktimave ka shkuar në 16,804 persona.
g.kosovari
