Prej më shumë se 7 muajsh i gjithë globi po përballet me pandeminë Covid-19 që shpërtheu në Kinë prej në fund të dhjetorit të 2019. Tashmë Covid-19 vijon të jetë ende një kërcënim për botën. Deri më tani në gjithë globin janë infektuar 18,246,339 persona. Ndërkohë 692,973 të tjerë kanë humbur jetën. Lajm i mirë është se betejën me COVID-19 e kanë fituar 11,453,809 qytetarë.
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 4,813,647 të infektuar dhe janë shënuar 158,365 vikitma. COVID-19 po përhapet me shpejtësi edhe në Indi.
Shqetësuese është situata edhe në Meksikë ku numri i viktimave në këtë shtet ka shkuar në 47,746 , ku vetëm në 24 orët e fundit kanë vdekur 274 pacientë me Covid-19.
Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 94,130 viktima dhe 2,733,677 milionë të infektuar.
Në 24 orët e fundit sipas mediat të huaja mësohet se në të gjithë territorin e Brazilit kanë vdekur si shkak i pandemisë të paktën 541 persona dhe janë infektuar 25.800 persona të tjerë duke e çuar në 2.733.677 numrin e përgjithshëm të të sëmurëve me COVID-19 në vend.
Edhe Rusia po përballet me raste të shumta të pacientëve me koronavirus, ku në 24 orët e fundit janë raportuar mbi 5.394 raste të reja, ndërsa numri i viktimave ka shkuar në 14,207.
Ndërkohë në Kinë janë rikthyer sërish rastet e reja me Covid-19. Deri më sot Kina numëron 4.634 viktima dhe 84,428 të infektuar që prej fillimit të shpërthimit, ku në 24 orët e fundit raportohen 43 raste të reja.
g.kosovari
