Prova të reja janë shfaqur në lidhje me rreziqet e pacientëve me Covid-19, por asimptomatikë. Studiuesit zbuluan se ngarkesa virale e atyre pa simptoma është po aq e lartë sa e njerëzve të infektuar që kolliten apo kanë ethe, raportonNew York Times.
Duke qenë se pacientët asimptomatikë e përmbajnë virusin e njohur si SARS-CoV-2 në hundët dhe fytin e tyre, njësoj si ata me simptoma, ata kanë po aq të ngjarë ta përhapnin atë.
Ekipi, i spitalit Soonchunhyang University Seoul në Korenë e Jugut shprehen se këto përfundime theksojnë rëndësinë e testimit dhe gjurmimit të kontakteve në mënyrë që njerëzit pa simptoma të mund të izolohen shpejt, duke ulur në këtë mënyrë rrezikun e transmetimit.
Për studimin, të botuar në JAMA Medicine Medicine, ekipi vëzhgoi 303 pacientë të infektuar nga virusi, midis periudhës 6 dhe 26 mars. Të gjithë pjesëmarrësit u izoluan në një qendër trajtimi në Cheonan, Korenë e Jugut – një qytet në jug të kryeqytetit të Seulit.
Rezultatet treguan se ngarkesat virale të pacientëve simptomatikë kanë prirje të ulen pak më ngadalë me kalimin e kohës se pacientët asimptomatikë.
Në ditën e 14-të të izolimit, 33.7% e pacientëve pa simptoma rezultuan negativë ndaj testit të koronavirusit, në krahasim me 29.6% e atyre me simptoma.
Ditën e 21, 75.2% e pacientëve asimptomatikë rezultuan negativë ndaj testit të koronavirusit, në krahasim me 69.9% e atyre me simptoma.
