Braziliani Philippe Coutinho ka gjasa të mëdha që pas një viti e gjysmë të kthehet në Premier League. Gazeta spanjolle “Mundo Deportivo” ka raportuar të martën se Coutinho në fund të këtij edicioni do të largohet nga Barcelona për t’u transferuar te Chelsea, transmeton Koha Ditore.
Ekipi londinez është optimist se do t’i hiqet suspendimi për transferimin e futbollistëve dhe për Coutinhon do të ofrojë rreth 100 milionë euro.
Te Chelsea, Coutinho shihet si zëvendësim i duhur për belgun Eden Hazard që pritet të largohet gjatë verës.
Coutinho ka kontratë me Barçën deri në vitin 2023, kurse interesim për të kanë treguar edhe PSG-ja e Manchester Unitedi.
