Philippe Coutinho nuk ia ka mbyllur përfundimisht dyert Barcelonës, raporton zeri.info.
Gjiganti katalunas thuhet se ka shprehur interesim për yllin e Liverpoolit, i cili po e kalon ndoshta sezonin më të mirë në karrierë, por deri më tash nuk ka pasur asgjë konkrete.
Ish-futbollisti i Interit dhe Espanyolit thotë se do ta shqyrtonte së bashku me përfaqësuesit e tij në rast se arrin ndonjë ofertë nga Spanja.“Jam i lumtur kur e kuptoj se një klub i madh interesohet për mua, kjo është gjeniale.
Barcelona është një prej klubeve më të mira në botë, por momentalisht nuk ka arritur asgjë. Nëse ndodh diçka e tillë, me këtë punë do të merret menaxheri im. Ajo që më duhet ta bëj unë është që të koncentrohem në fushë”, deklaroi Coutinho për “ESPN”-në, i cili megjithatë gjithmonë ka thënë se është i lumtur në Liverpool, përgatiti ”Zëri”. (b.an)
