Philippe Coutinho nuk është i sigurt se çfarë e ardhmje e pret përpara, pas kthimit të tij në Barcelonë nga Bayern Munich. Braziliani e përfundoi huazimin te bavarezët, duke fituar Champions-in në finalen ndaj PSG, të dielën. Ai pritet të kthehet te Barcelona, në pronë të së cilës është, ndërkohë që ka pasur interesime nga Premier League për të.
Coutinho, i cili e nisi nga pankina kundër PSG, tha se ishte i etur për një sezon të fortë 2020-2021, por nuk është i sigurt se ku do të jetë: “Unë nuk kam menduar për këtë. Duhet të kthehem te Barcelona dhe të punoj shumë, për të pasur një sezon të shkëlqyeshëm. Nuk e di nëse do të qëndroj te Barcelona”.
Pavarësisht një nate të errët në finale e Champions-it, Coutinho foli me superlativa për bashkëlojtarin në kombëtare, Neymar, i cili shpërtheu në lot pas ndeshjes: “Unë i thashë që kishte zhvilluar një sezon të shkëlqyeshëm. Ai duhet të luftojë, sepse do të bëhet më i miri në botë”.
g.kosovari
