Juventus nuk ka ndërmend të lejojë mbrojtësin Leonardo Bonucci të bashkohet me kombëtaren italiane për stazhin para evropianit. Trajneri Antonio Conte ka thirrur 28 lojtarë dhe do të nisë grumbullimin me ata lojtarë që nuk kanë impenjime me klubet e tyre. Nuk do të jenë lojtarët e Juventusit e të Milanit, të cilët do të ndeshen në finalen e Kupës së Italisë, por Conte ka thirrur Bonuccin, pasi ky është i skualifikuar. Megjithatë, klubi bardhezi nuk do ta lejojë lojtarin, edhe pse ai nuk luan. Stazhi nuk është brenda datave zyrtare të FIFA-s, ndaj Juventus nuk ka detyrimin ta lërë të lirë lojtarin.
Pavarësisht se është brenda rregullave, përsëri nuk duket një shenjë e mirë që grumbullimi nis me polemika, të cilat nuk i janë ndarë kurrë Italisë. Edhe më parë, Conte ka shprehur hapur pakënaqësinë që klubet nuk i janë përgjigjur kur ai ka dashur të thërrasë lojtarët në stazhe stërvitore.
D.I.