Antonio Conte thotë se nuk e di nëse do të jetë trajner i Chelseat në sezonin e ardhshëm.
Chelsea nuk është duke kaluar në formë aq të mirë, dhe humbja e sotme ndaj Tottenhamit ia ka zvogëluar gjasat për një kualifikim në Ligën e Kampionëve, transmeton Koha.net.
“Duhet të jem i sinqertë, nuk e di (nëse do të jetë pjesë e Chelseat). Ky nuk është problemi im, është problem i klubit.
Ne menaxherët asgjë nuk është e sigurt. Mund të kesh një kontratë, por nuk mund ta dish se çfarë mund të ndodhë pas një apo dy ndeshjeve, varemi shumë nga rezultatet”, ka deklaruar Conte, raporton Football Italia.
Conte është një nga emrat që është lidhur me kombëtaren italiane, që është në kërkim të një trajneri. Ai mund të rikthehet te kombëtarja e shtetit të tij, që më 20 maj e publikon emrin e përzgjedhësit. (b.an)
