Antonio Conte është shprehur i zhgënjyer me humbjen prej 2:1 ndaj Liverpoolit
Trajneri italian, Antonio Conte, ka pësuar humbjen e parë në Premierligë me Chelsean, pasi u mposhtën 2:1 në ‘Stamford Bridge’ nga Liverpooli.
Conte tha se skuadra e tij e nisi shumë keq ndeshjen dhe kjo u kushtoi me humbje.
“E nisëm keq ndeshjen, ishim të ngadalshëm dhe brenda disa minutave ishim 2:0. Këtë e shfrytëzoi mirë Liverpooli që ka tre sulmues shumë të shpejtë”, tha fillimisht Conte.
“Në pjesën e dytë ishim më të mirë dhe shënuam gol. Tentuam që të rikthejmë ndeshjen në favorin tonë dhe të fitojmë, por ishte e pamundur”, shtoi ai.
“Duhet të jemi ekip më agresiv në fushë dhe të përqendruar, pasi ndonjëherë nuk duket sikur jemi të rrezikshëm për kundërshtarin”, theksoi mes tjerash italiani. (b.an)
