Dy persona kanë rënë në prangat e policisë pasi po tentonin të transportonin 9 shtetas algjerianë jashtë kufirit kundrejt fitimit.
Të arrestuarit janë Fatos Hasaj, 45 vjeç, banues në fshatin Boriç i Madh, Malësi e Madhe dhe Admond Alijaj, 30 vjeç, banues në fshatin Vrakë, Malësi e Madhe.
Ata akuzohen për veprën penale “Ndihma për kalim të paligjshëm të kufijve”.
Arrestimi në flagrancë u bë në afërsi të pikës kufitare te Hani i Hotit teksa me mjetet e tyre po transportonin 9 shtetas të huaj algjerianë dhe tunizianë, me destinacion Malin e Zi dhe pastaj vendet e BE-së.
Operacioni u realizua nga strukturat e Drejtorisë Vendore të Policisë Shkodër për parandalimin dhe goditjen e tentativës për dhënie ndihme për kalim të paligjshëm të kufirit.
Materialet i kaluan Prokurorisë së Shkodrës për veprime të mëtejshme.
/a.r
