Deputeti i Partisë Demokratike, Kreshnik Çollaku i është bashkuar propozimit të Enkelejd Alibeajt që të ftojnë të gjithë kandidatët e Primareve që të garojnë për zgjedhjet vedore nën siglën e PD-së zyrtare.
Në fjalën e ti j në mbledhjen e Kryesisë së PD, Çollaku është shprehur se është koha që të lihen jashtë interesat personale dhe t’i jepet prioritet fuqizimit të partisë. Ai vijon të mbështesë idenë, që në zgjedhjet e 14 majit, PD-ja duhet të ketë një kandidat të përbashkët.
“Vendimi i datës 3 qartësoi legjitimitetin e strukturës drejtuese te PD. Asgjë me shume se kaq. Ne nga date 3 kemi derren te sillemi si PD dhe jo me si grupe brenda PD. PD është e te gjithë demokrateve dhe e jona këtu dhe atyre atje. Sot eshte detyra jone t’i ofrojmë bashkëpunim e bashkim me çdo demokrat. Ky vit ka qenë shumë vit i ngarkuar. Kemi mbajtur shumë baltë,akuza te pavërteta, agresivitet dhe nuk jemi përgjigjur. Mendoj qe kemi bërë mirë ,por nga sot për hir të bashkimit të PD duhet t’i tejkalojmë këto ngarkesa negative.
Sfidë mbeten zgjedhjet e 14 majit. Kam kërkuar në çdo kohë të bëjmë çdo sakrificë për të dalë me kandidat të unifikuar nën siglën e PD. E kam kërkuar edhe vete dhe e mbështes propozimin, te ftohen te gjithë kandidatet të dalë nga procesi i primareve nga pala tjeter, në siglen e PD. Ne kemi çdo mundësi qe të hapim një dialog e proces konsensusi ne çdo Bashki për t’u përfaqësuar me emra cilësorë, fitues dhe të unifikuar. Nëse vërtetë duam te bëjmë një PD fituese, duhet bashkim dhe tejkalim i çdo ngarkese emocionale apo interesi personal.”, ka thënë Çollaku./m.j
