Sot në orën 18:00 mblidhet Këshilli i Tiranës për të ndryshuar çmimin e ujit, për të cilin është propozuar nga Bashkia një rritje çmimi me 44%, nga 45 lek/ m3 në 65 lekë/m3.
Pas dëgjesës ditën e djeshme në Këshillin Bashkia, LSI, u shpreh se do të votojë pro rritjes së çmimit vetëm në rast se plotësohen kushtet e ngritura nga ata.
LSI kërkon përjashtimin nga rritja e çmimit të familjeve me ndihmë ekonomike dhe pensionistët, diferencimin e biznesit si dhe ndërprerjen e lidhjeve të paligjshme.
Pak minuta para mbledhjes së Këshillit Bashkiak, kryebashkiaku Erion Veliaj ka deklaruar se pranon tre propozimet e LSI.
“Kemi votat për ta bërë Tiranën me ujë 24h.
Bashkia do t’i përcjellë ERU plan biznesin me gjithë propozimet e LSI.
PS-LSI, Tirana me ujë më e rëndësishme se partitë”, ka thënë kryebashkiaku Erion Veliaj. /shqiptarja.com
