Çmimet globale të naftës janë rritur sërish mbi 100 dollarë për fuçi, ndërsa përshkallëzimi i konfliktit në Lindjen e Mesme po shton pasiguritë për furnizimin global me karburant.
Rritja vjen vetëm pak ditë pasi çmimet arritën nivelin më të lartë në katër vitet e fundit, ndërsa përplasjet mes Shtetet e Bashkuara të Amerikës, Izraeli dhe Irani po ndikojnë drejtpërdrejt tregjet ndërkombëtare të energjisë.
Sipas tregjeve ndërkombëtare, nafta e papërpunuar Brent Crude Oil, që shërben si çmim referues global, u luhat rreth 100 dollarë për fuçi gjatë tregtimit të së mërkurës në mbrëmje, duke shënuar një rritje prej rreth 8.7% brenda ditës. Ndërkohë, çmimi referues amerikan West Texas Intermediate (WTI) u rrit gjithashtu me 8.7%, duke arritur në rreth 94.8 dollarë për fuçi. Në orët e para të mëngjesit sipas kohës lindore, çmimi u tregtua pranë nivelit 98.7 dollarë.
Rritja e çmimeve ndodhi pavarësisht vendimit të vendeve anëtare të Agjencia Ndërkombëtare e Energjisë (IEA), të cilat ranë dakord unanimisht për të hedhur në treg një sasi rekord prej 400 milionë fuçi naftë për të stabilizuar furnizimin global.
Ndërkohë, tensionet ushtarake në rajon janë përshkallëzuar. Irani ka shtuar sulmet ndaj objekteve të naftës dhe tankerëve në Gjiri Persik, ndërsa disa shtete të Gjirit kanë raportuar se kanë interceptuar dronë dhe raketa.
